مسرحية ونحن ولا نعرف

مسرحية  ونحن ولا نعرف

	تفتح الستار علي التمثليه الموسيقيه مع الاداء الصامت ثم تقفل مره اخري ليدخل ابراهيم امام الستاره وينظر بدهشه الي  جنبات المسرح والقريه التي كان يعيش فيها منذ زمن
ابراهيم	يااه  زي ماهي القريه متغيرش فيها حاجه ،غير شويه تراب علي معالمها  دا حتي المزلقان هو هو  ، ودي شجره التوت..... ودي الشجره اللي انا زرعتها بأديا زمان، اكيد هي..... دا مكانها انا عارفه كويس ،وهنا ...هنا الساقيه القديمه زي ماهي ......وهنا بيت عم زكي يا تري لسه عايش  دي 20 سنه..... 20 سنه غربه اكيد غيرت حاجات كتير ...... دا انا نفسي اتغيرت انا لسه فاكر يوم لما سفرت زي مايكون امبارح
صوت الام	لساك عايز تسافر يا  يا ابراهيم يا ولدي وتسيب حضن امك الدافي؟
ابراهيم	(ناظرا الي يمين المسرح)غصب بنعني يا ابوي.... انا حاسس ان مكاني مش هنا
صوت الاب	بلاش علشان خطري.... علشان خاطر امك.... ديه كانت بتطلع اللقمه من بقها علشان تديهالك، تقوم تفوتها كده
ابراهيم	(ناظرا الي يسار المسرح)متقلقش كلها سنه او اتنين بالكتير وأرجع واعوضكوا من كل الحرمان ده ،انا عارف انتو تعبتوا معايا ، وعلشان كده انا عايز اسافر علشان ارجع واعيشكوا عيشه جديده احسن من العيشه دي ، اوديك يا ابوي عند اكير دكتور في البلد وتخف وتبقي تمام (ناظرا الي الجمهور) وجه الوقت اللي لازم فيه اعوضكم عن كل اللي عملتوه معايا ايه ده ....... دا في حد جاي من بعيد ..... معقول ................معقول دا يكون مرزق صديق عمري يااااااه دا شكله زي ما هو ماتغيرش لما اشوف هايعرفني ولا لا سلام
مرزق	سلام اهلا وسهلا
ابراهيم	ازيك يا مرزق
مرزق	الحمد لله ازيــ.......! هااااا.......... انت قولت مرزق؟!
ابراهيم	ازيك يا مرزق؟
مرزق	انت عرفت اسمي منين؟
ابراهيم	انااعرفك من زمان
مرزق	هااا انت مين؟
اابراهيم	افتكر يا مرزق لما كنت صغير وكنت بتروح المدرسه كان مين بيكون معاك؟
مرزق	اللي كان بيبقي معايا مين مين؟...............مخبرش
ابراهيم	ركز كده شويه يا مرزق وبص لوشي
مرزق	معقول .....معقول ....ابراهيم (ويحضن مرزق ابراهيم ولكن يقف ويبتعد سريعا) لا......لا........انت انس ولا جن ... ابرااهيم .......ابراهيم اللي انا عارفه مات من يجي عشرين سنه
ابراهيم	صدقني انا ابراهيم
مرزق	وانا ايش ضمني ان انت ابراهيم؟
ابراهيم	فاكر يوم لما هربت من المدرسه ورحت تلعب كوره في الشارع فاكر لما انا رحت فاتنت عليك وقولت لابوك انك هربت من المدرسه فاكر فاكر لما وكنت واخدك قدامي علي العجله ووقعنا في الترعه فاكر فاكر
مرزق	ابراهيم ابراهيم ايوه انت ابراهيم(حضن ) ابراهيم حبيبي ام انت ليك وحشه كبيره قوي دا ابوك وامك واهل القريه كلاتهم فاكرين انك ميت دا ابوك هايفرح قوي لما يعرف ان انت عايش يلا بينا نروح نقوله
ابراهيم	استني .......انا كنت عاوز اعرف اشوفهم عاملين ايه؟عايشين ازاي؟
مرزق	يديه حالتهم بقت صعبه قوي قوي
ابراهيم	مرزق .... انا عايز ادخل البيت من غير ما يعرفوا انا انا ابراهيم ابنهم
	طب وليه كده
	اسمعني بس انا هاروح عندهم علي اني واحد غريب ،عابر سبيل وهاقدي معاهم الليل وتعدي عليا الصبح في البيت
	اوانا هالم اهل القريه الصبح كلاتهم  وابشرهم واول ما النهار يشقشق هاكون عندكم
المشهد الثاني صوت دق الباب في منتصف الليل
الاب		جومي جومي افتحي الباب شوفي مين
الام		هو مين اللي هايخبط ويجلنا في وقت وخري كده
ابراهيم		مساء الخير
الام		مساء النور يا ابني يلزم اي خدمه
ابراهيم		بصراحه انا غريب مش من هنا وكنت عاوز اقضي الليل عندكم لغايه الصبح
الاب		اهلا وسهلا ياأبني اتفضل البيت بيتك
ابراهيم		الله يخليك يا اااااااااااااأ...............
.الاب		جولي يا ابو ابراهيم جولي يا ابني انت منين ؟
ابراهيم		انا من قريه جبيكم هنا وانا  كنت في غربه وقعدت وقت طويل والحمد لله رجعت
الاب		غربه ....اه الغربه دي يا خدت حاجات كتير وانت اسمك ايه وكنت بتعمل ايه في الغربه
ابراهيم		اسمي .........انا اسمي نور وكنت شغال بره في الغربه والحمد لله عملت قرشين كويسين يعيشوني مرتاح طول عمري
الام		اتعشيت يابني ولا اجبلك لقمه؟
ابراهيم		لا لا متشكر كتر خيرك انا متحتاج بس لراحه بس ممن تقبل مني المبلغ ده المبلغ ده علشان ضيافتك الكريمه دي دا دا انا كنت شغال بره وعندي فلوس كتير اي حاجه عاوزنها قولوي
الاب		لا لا يا ابني عيب
ابراهيم		ارجوك اقبلهم
الاب		اانت عاوني اخد منك ثمن ضيافتك عيب ..............نام يا راجل نام
ينام ابراهيم علي الكنبه ويخرج الاب والام امام مقدمه المسرح الستار وتقفل الستار ويظلوا هما امام الستار
الام		مالك..... مالك يا راجل سرحان في ايه
الاب		جوليلي يا ام ابراهيم انا لحد ميتي هانفضل كده ؟
الام		هانفضل ازي يعني يا راجل  ما احنا عايشين
الاب		عايشين ....انتي مش شايفه اخينا الغريب دا متريش جد ايه لما احنا نكون عايشين امال هو يكون ايه .......!
الام		ابو ابراهيم.... مالك يا ابو ابراهيم ...؟ دا اانا اول مره اشوفك اجده مالك
الاب		دي تلاقي الشنطه دي مكبوسه فلوس  ولا البالطوا اللي لابسه دا بتمن الدوار بتاعنا بجولك ايه ايه هو حد شاف الغريب ده وهو جاي عندنا
الام		لا........... دا حتي جايلنا في نص الليل
الاب		وحتي لو حد شافه دا غريب ومفيش حد يعرفه خلاص
الام		خلاص ايه يا ابو ابراهيم
الاب		خلاص
الام		خلاص ايه يا ابو ابراهيم
الاب		يقول خلاص (ويدخل من منتصف الستاره وهي مغلقه وخلفه الام)
الام		خلاص ايه
تفتح الستار علي مشهد الاب وهو يخنق ابراهيم والام تمسك برجليه مع صوت الرثاء كموسيقي ثم تقفل الستار مره اخري تخرج الام من بين الستار وتقول
الام		خلاص
		ثم تفتح الستار ويظهر علي يسار المسرح الاب وهو قد دفن ابنه تحت شجره بحوش الدوار يساوي الارض بظهر الفاس وصوت الديك يدل علي التوقيت (الصباح الباكر) ويقول للجمهور
الاب		خلاص
ويتجهو نحو الشنطه ويتفحوها ليخرجوا منها الجلاليب اللي كان جايبها ابراهيم ليهم اساسا والفلوس ويرتدي الاب البالطوا الذي كان يرتديه ابراهيم
الام		البالطوا كانه متفصل عليك
الاب		كل دي هدايا وفلوس
الام		تلاقيه كان جايبها لأمه وابوه
		يخبط الباب وتتنهد الام بخوف
الاب		اخرسي يا وليه روحي افتحي كأن فيش حاجه
		تفتح الباب الام
مرزق وعدد		صباح الخير يا ام ابراهيم مبروك مبروك
الام		مبروك!
مرزق		امال فين ابراهيم اياك يكون نايم عاد؟!
		يمكسه من كتفه الاب  يقوله له
الاب		اياك اتكون اتجننت عاد! ابراهيم مين اللي عم تنادي عليه ؟
مرزق		ماتخبيش عليا يا ابو ابراهيم انا عارف انه هنا (ينادي عليه) يا ابراهيم......يا ابراهيم دا حتي انا اللي موصله امبارح لغايه اهنا ياعم ما انت لا بس البالطو بتاعه اهه هو فين
		تدرك الام والاب ما فعلوا بأبنهم
الام		(تطلق صرخه وتجري وترتمي علي الارض مكان دفن ابراهيم يسار المسرح) وتبكي بحرقه والاب يصتدم وتأتي له صدمه عصبيه ويثبت في مكانه مع حركه صغيره وينظر ليديه اداه الجريمه ويدرك مرزق الذي يقول ابراهيم ابراهيم  ويتراجع بظهره ليخرج وهو يبكي وتدخل الموسيقي ويتم مشهد صامت مع الموسيقي في رثائه وتقفل الستار
صوت 1 صوت 2		الي خاصته جاء وخاصته لم تقبله بأيدي اثمه قتلتموه....... وصلبتموا